Azərbaycanda 24 yaşlı 20 günün gəlini qaynanasının evindən yoxa çıxıb.
BiG.AZ xəbər verir ki, bunu Xəzər televiziyasında yayımlanan və Xoşqədəm Hidayətqızının aparıcılıq etdiyi "Səni axtarıram" verilişinə çıxan və qızı Müjgan Məmmədlini axtaran ana bildirib.
O, bildirib ki, qızı iki ay əvvəl qaynanasının evindən itkin düşüb: "Qızım toyundan sonra 20 gün sonra bizə gəldi. 10 gün bizdə qaldı. Mənə dedi ki, ana məni dəlixanaya apar. Amma o evə geri göndərmə. Məni orada yola vermirlər. Müjgan qaynanasının onu boğduğunu, döydüyünü deyirdi. Məndə deyirdim bir az döz atan Rusiyadan gəlsin. Qıraqdan baxan bizə nə deyər?! Müjgan qaynanasının evinə qayıdandan sonra ondan xəbər ala bilmərik. Qızımın 24 yaşı var idi. O, ailəni araşdırmadan qızımızı verdik".