İngiltərə Premyer Liqasında X turun oyunları keçirilir.

APA-nın məlumatına görə, turun ikinci günündə 5 matç keçirilib.

Son çempion “Mançester Siti” “Aston Villa”nı üç cavabsız qolla darmadağın edib. “Brayton” “Everton”u 3:2 hesabı ilə üstələyib.

“Uotford” – “Bornmut” və “Vest Hem” – “Şeffild Yunayted” görüşlərində isə qalib müəyyənləşməyib. Günə “Bernli” – “Çelsi” matçı ilə yekun vurulub. Məhsuldar keçən oyunda qonaqlar 3 xal qazanlblar.

Xatırladaq ki, turun ilk oyun günü tarixi nəticə ilə əlamətdar olub. Səfərdə “Sauthempton”u 9:0 hesabı ilə məğlub edən “Lester” İngiltərə çempionatları tarixində ən böyük səfər qələbəsinin müəllifi olub. “Tülkülər” 1999-cu ildə “Nottinhem Forest”i 8:1 hesabı ilə yenən “Mançester Yunayted”in rekordunu yeniləyib.

“Lester” həm də Premyer Liqada ən böyükhesablı qələbə rekorduna şərik çıxıb. 1995-ci ildə “İpsviç”i 9 cavabsız qolla yenən “Mançester Yunayted”in rekordu təkrarlanıb.

Qeyd edək ki, tura sabah yekun vurulacaq.

İngiltərə Premyer Liqası
X tur
25 oktyabr
“Sauthempton” – “Lester” – 0:9
Çiluell, 10, Tilemans, 17, Peres, 19, 39, 57, Vardi, 45, 58, 90 (pen.), Meddison, 85
26 oktyabr
“Mançester Siti” – “Aston Villa” – 3:0
Sterlinq, 46, De Breyne, 65, Gündoğan, 70
“Vest Hem” – “Şeffild Yunayted” – 1:1
Snodqrass, 44 – Mousset, 69
“Uotford” – “Bornmut” – 0:0
“Brayton” – “Everton” – 3:2
Qross, 15, Maupay, 80 (pen.), Diqne, 90 (avtoqol) – Vebster, 20 (avtoqol), Kalvert-Levin, 74
“Bernli” – “Çelsi” – 2:4
Rodriges, 86, Makneyl, 89 - Pulişiç, 21, 44, 56, Villian, 58