“Qartal 18 apreldə Bruklin torpaqlarına enəcək”.
Muxalifet.az xəbər verir ki, bu sözləri  qarışıq idman növləri üzrə çıxış edən rusiyalı döyüşçü Həbib Nurməhəmmədovun meneceri Əli Əbdüləziz öz rəsmi “Twitter” səhifəsində yazıb. Bununla da o, məşhur idmançının növbəti döyüşünün tarixini açıqlayıb: “Buraya gedirik. Çempion Toni Ferqusona qarşı döyüş müqaviləsini imzaladı və aprelin 18-də qartal, növbəti dəfə Bruklin torpaqlarına enəcək. Açıqlama azarkeşlər üçündür”.
Qeyd edək ki, Əli Əbdüləzizin məkan olaraq açıqladığı Bruklin ABŞ-ın Nyu-York şəhərinin bölgələrindən biridir.