PKK terrorçuları İğdırda su idarəsinin işçilərinə hücum edib. Publika.az xəbər verir ki, İğdır su kanalizasiya idarəsinin əməkdaşları Ağrı dağının ətəyindəki Korhan yaylasında su xəttini düzəltməyə gedərkən terrorçuların hücumuna məruz qalıb. Hüquq-mühafizə orqanlarının məlumatına görə, işçiləri aparan maşın terrorçuların yola düzdükləri bombanın partlaması nəticəsində zərər görüb. Daha sonra maşından düşən işçilər terrorçuların silahlı hücumu ilə qarşılaşıb. Əsgər və polislər işçiləri terrorçuların hücumundan xilas ediblər. Bölgədə havadan dəstəklə geniş çaplı əməliyyat başlayıb.