“Kommersant” qəzeti “Normand sammiti” çərçivəsində Rusiya və Ukrayna prezidentləri Vladimir Putin ilə Vladimir Zelenskinin ayrıca ikitərəfli görüş keçirəcəklərini bildirib.

Nəşrin məlumatına görə, Parisdə “Normand dördlüyü” formatında keçiriləcək danışıqlardan sonra dekabrın 9-da dövlət başçıları ikilikdə danışıq apacaqlar. Nəşrə məlumat verən mənbə təkbətək görüşün keçirilmə ehtimalının demək olar ki, 100% olduğunu qeyd edib. Həmçinin, Zelenskinin Moskvaya, faşizm üzərində qələbənin 75 illik bayram tədbirinə dəvət ediləcəyi də iddia edilir.

Normandiya dördlüyü — yüksək səviyyəli dörd ölkə nümayəndələrinin – Almaniya, Rusiya, Ukrayna və Fransanın birgə qrupudur.