Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev Daxili İşlər naziri , general-polkovnik Ramil Usubovun əmrinə əsasən “Azərbaycan Polisinin 100 illiyi (1918-1920)” medalı ilə təltif edilib.
Muxalifet.az teleqraf.com-a istinadən xəbər verir ki, Qüdrət Həsənquliyev yubiley medalı ilə təltif olunduğuna görə general-polkovnik Ramil Usubova təşəkkür məktubu göndərib.
“Məni “Azərbaycan Polisinin 100 illiyi (1918-1920)” Azərbaycan Respublikasının yubiley medalı ilə təltif etdiyiniz üçün Sizə dərin minnətdarlığımı bildirirəm. Ölkəmizdə sabitliyin və asayişin qorunmasında, cinayətkarlığa və onun hər cür təzahürlərinə qarşı mübarizədə üzərinə düşən vəzifələri bu gün də yüksək peşəkarlıqla yerinə yetirən, ictimai təhlükəsizliyin təmin olunmasında müstəsna xidmətlər göstərən Azərbaycan polisinin 100 illiyi ilə bağlı medalla təltif olunmaqdan qürur duyuram. Sizə və Daxili İşlər Nazirliyinin bütün əməkdaşlarına şərəfli işinizdə uğurlar diləyir, möhkəm cansağlığı arzulayıram”, - deyə məktubda vurğulanır.