VİLLALAR, KLİNİKALAR, APTEKLƏR ŞƏBƏKƏSİ, HEKTARLARLA TORPAQ SAHƏSİ... - İşdən çıxarılan icra başçısının sərvətinin SİYAHISI YAYILDI

Baxış sayı:
2099

Xəbər verdiyimiz kimi, bu gün Prezident İlham Əliyevin sərəncamı ilə Abşeron Rayon İcra Hakimiyyətinin başçısı İradə Gülmməmədova vəzifəsindən azad edilib.

Qafqaz.media xəbər verir ki, unikal.org işdən çıxarılan İ.Gülmməmədovanın əmlaklarının siyahısını əldə edib:

Varovski qəsəbəsində "Vimay - Med" klinikası, "Af - Gen" klinikası;

Binəqədi rayonu, "Varovski"də 4 mərtəbəli villa və "Zümrüd" uşaq bağçası;

Binəqədi rayonu, 9-cu mikrorayonda "Zeytunluq"da 20 sot torpaqda üçmərtəbəli villa; Qeyd edək ki, "Zeytunluq" adlanan ərazidə 1 sot torpağın qiyməti 150 min manat dəyərindədir. Villanın tikintisi isə 1 milyon manata başa gəlib.

Quba rayonu, Qəçreş kəndində 20 sot torpaqda villası;

Görədil və Masazır qəsəbələrində villası;

Elmlər Akademiyası metrostansiyasının yaxınlığında yerləşən 200 kvadratmetrlik mənzil, həmçinin Nərimanov rayonunda Heydər Əliyev Mərkəzinin yaxınlığında 2 mənzil;

Bakı şəhərində apteklər şəbəkəsi;

Saray və Fatmayı qəsəbələrində hektarlarla torpaq sahəsi;

Qeyd edək ki, İ.Gülməmmədova qanunsuz topladığı vəsaitləri həyat yoldaşının vasitəsi ilə Gürcüstana keçirib.