Bakıda yaşayış kompleksində baş verən yanğın davam edir.

Muxalifet.az bildirir ki, ONA-nın hadisə yerində olan əməkdaşının verdiyi məlumata görə, Səfahət Mehdiyev küçəsində yerləşən 24 mərtəbəli yaşayış kompleksində baş verən yanğının söndürülməsinə 5 yanğınsöndürən maşın cəlb edilib.

Yanğın baş verən binanın sakinləri təxliyə edilir.

Yanğınla bağlı əraziyə 5 təcili tibbi yardım briqadası cəlb olunub.

Səhiyyə Nazirliyinin mətbuat xidmətinin əməkdaşı Səfayə Əhmədovanın ONA-ya verdiyi məlumata görə, hadisə yerində tüstüdən zəhərlənmiş bir neçə nəfərə ilkin tibbi yardım göstərilib, onların həyati təhlükəsi yoxdur.