Misirdə 4 yaşlı qız uşağını öldürməkdə ittiham olunan beş nəfər asılaraq edam edilib.
Muxalifet.az xarici mediaya istinadən xəbər verir ki, asılan şəxslər bir ailənin üzvləridir.
Sözügedən şəxslər xərac üçün qaçırdığı uşağı öldürdüyü üçün 2013-cü ildə ölüm cəzasına məhkum edilmişdilər. Qərar 2017-ci ilin mart ayında Ali Məhkəmə tərəfindən təsdiqlənib.
Təhlükəsizlik mənbələrindən verilən məlumata görə, Ali Məhkəmənin hökmü ötən həftə prezident Əbdülfəttah əl-Sisi tərəfindən təsdiqlənmişdi.