“Ukraynanın kukla hakimiyyəti xarici və daxili siyasətdəVaşinqtonla uyğunlaşdırmadan heç bir strateji qərar qəbul etmir”.
Muxalifət.az publika.az-a istinadən xəbər verir ki, bunu “Ukrayna seçimi – xalqın hüququ” ictimai hərəkatın lideri Viktor Medvedçuk bildirib.
“Ukraynanın inkişafına Birləşmiş Ştatların investisiyaları haqqında hekayələr yalandır. Ukrayna ABŞ-ın koloniyasına çevrilib. ABŞ müstəqil ölkəyə pul qoymur. Suveren və sabit Ukrayna onlara lazım deyil”, - Medvedçuk vurğulayıb.
Onun fikrincə, Kiyevə səfəri zamanı ABŞ dövlət katibinin müavini Con Sallivanın səsləndirdiyi tövsiyələr və arzular bütün aşkarlıqla Ukraynanın siyasi müstəqilliyini qəti itirdiyini sübut edir.
Qeyd edək ki, Medvedçukun özü barədə də fikirlər birmənalı deyil. Ötən il ABŞ-ın “Financial Times” nəşri “Rusiya prezidenti Vladimir Putinin ən yaxın dostlarından biri” adlandırdığı Viktor Medvedçuk barədə məqalə dərc edib.
Nəşr vurğulayırdı ki, çoxları onun Putinin agenti olmasından şübhələnir.