Muxalifət.az xəbər verir ki, Rusiya donanmasının yüksək rütbəli məmurlarından birinin yaydığı informasiyaya görə, RF Dəniz Qüvvələri Komandanlığının əmri ilə ölkənin sualtı nüvə gəmisi ABŞ-ın Dəniz Qüvvələri bazasının yaxınlığında hərbi təlim keçirib. Gizli təlimlərin yeri və vaxtı bildirilmir.
Bu senssasiyalı açıqlama Rusiya Müdafiə Nazirliyinin “Zvezda” kanalında verilib.
“Akula-klass” və “Şuka-B” sualtı nüvə gəmiləri ilə bağlı çıxış edən Sualtı donanmanın komandiri Sergey Starşinovun sözlərinə görə, RF donanmasının rəhbərliyi sualtı təlimlərin ABŞ hərbi bazalarının yaxınlarında keçirilməsini əmr edib. Starşinov “Zvezda” kanalındakı çıxışında deyib: “Tapşırıq yerinə yetirildikdən sonra sualtı gəmilər suyun səthinə çıxaraq bazaya geri qayıtdılar”.
Gizli missiyanın yeri və tarixi açıqlanmayıb. Lakin nüvə sualtılarının ABŞ sahillərinə çatdığı bildirilir./Hurriyyet.org